Zazpi hilabetetan burutu gura dituzten lanek 1.300.000 euroko aurrekontua izango dutela jakitera eman du Zornotzako Udalak. Lanen helburua, Ixer kale osoa berriro urbanizatzea izango da, baita hornikuntza, saneamendu, elektrizitate eta argiztapen sare guztiak berritzea ere.
Gainera, inguru horretan 30 bat aparkaleku gehituko dituzte eta San Pedro eta Ixer kaleen artean ibilgailuen zirkulazioaren noranzkoa ere aldatuko dute. Aldaketa honek ibilgailuen zirkulazioa hobetuko duela jakitera eman dute.