Udalak azaldu duenez, "gaur egun Orobio errekako ur gordina hartzen da eta Saratzuko ur-deposituan bertan kloroa botatzen zaio". Tratamendu hori "normalean egokia bada ere", udalak azaldu du ez dela egokia "euriteek errekako ura zikintzen dutenean".
Saratzuko auzotarren ur-hornidura sare publikora lotuta, auzoko uraren kalitatea bermatu gura du udalak. Lanak egiteko hiru hilabete beharko dituzte. Aurrekontua 96.430 eurokoa da eta horren %70 Eusko Jaurlaritzako Garapen Ekonomiko eta Azpiegitura Sailak finantzatuko du.