Zornotzako San Antonio auzoko eta Iurretako zenbait bizilagunek N-634 errepidea moztu dute gaur arratsaldean. Duela aste batzuk auzoan errotonda bat eta goi-pasabide bat egingo zituela iragarri zuen Bizkaiko Foru Aldundiak, baina ‘A8 Peajerik ez!’ plataformaren iritziz, neurri horiek ez dira nahikoa. Auzoko trafikoa arintzeko alternatiba modura doako autopista aldarrikatu dute.