"Asko gustatu zaizkit taldearen jarrera, lana eta intentsitatea. Kontuan hartu behar da aurrean kalitate handiko taldea geneukala", adierazi zuen Iñigo Velez de Mendizabal Amorebietako entrenatzaileak partiduaren amaieran.
Lehenengo zatian, etxekoek hainbat aukera izan zituzten markagailuan aurrea hartzeko, baina gol guztiak bigarrenean heldu ziren. Amorrortuk sartu zuen Amorebietaren gol bakarra.
Sailkapenaren erdian
Une honetan, Amorebieta sailkapenaren erdian dago eta bide onetik doa mailari eusteko. Hala ere, Velez de Mendizabal ez da fidatzen. "Oraindino ezer ere ez dago segurtatuta, inondik inora. Partidu asko geratzen dira jokatzeko, eta bakoitza azkenekoa balitz lez hartu behar dugu", adierazi zuen.