Bizkargi tabernan kafetegi soziala zabaldu ahal izateko diru-bilketa hasi du Zornotzako Harrera Taldeak

Ekaitz Herrera 2019ko abe. 5a, 13:39
Deskargatu Info Ahotsak :

Zornotzako Harrera Taldeak beste pauso bat emango du haien jaioterrietatik alde egitera behartutako herritarrei lagundu, eta zornotzarrei zuzendutako bilgune sozial bat sortzeko. Bizkargi taberna zegoen tokian kafetegi-dastategi sozial bat zabaltzeko asmoa dute. "Auto-antolakuntzaren bidez, konpromiso kolektiboak hartu eta komunitatea sortzea" dute helburu. Askotariko ekarpenak egin daitezke horretarako martxan ipinitako web orrian. 10, 20, 50 edo 100 euroetatik hasi eta 500 eurotara arte. Berrogei egun dituzte dirua-biltzeko.

Elkarlanerako gunea eskainiko du Bizkargi dastategi sozialak: 

  • Kontsumo arduratsua sustatuko du. Hurbila, ekonomia zirkularrean oinarrituko da.
  • Harremanak eta elkartasun sareak sendotzeko topalekua izango da.
  • Administrazioek eskaintzen dituzten bideetatik kanpo, enplegu eta hezkuntza alternatibak eskainiko ditu.
  • Eraldaketa sozialerako tresna izango da. Arteari eta kulturari egingo zaie tokia.

Egitasmoaren informazio gehiago Zornotza Harrera Facebook orrian edo 628414151 telefonoan eskuratu liteke.

Gizartea Zornotza
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!