San Juan kalean bertan eta San Juan kaleak Andrandi kaleagaz bat egiten duen puntuan hasiko dituzte lanak. Bertako etxebizitzetarako sarbidea urbanizatuko du udalak, "egoiliarrak etxebizitzetara errazago sar daitezen, eta inguruak itxitura hobea izan dezan, oraindik guztiz urbanizatu barik baitago".
Udalak "gune atseginago bat" sortu gura du Zornotzako herritarrentzat, eta lehentasuna eman gura dio oinezkoari. Espaloiak handitzeaz gain, zuhaizti berriak ere ipiniko dituzte horretarako. Instalatuko diren farola berriek argiztapena hobetzea izango dute helburu.
Lanek 573.000 euroko aurrekontua dute.