Erakusketak "Osasuna, dirua eta maitasuna" du izenburu eta María Lafuente Lechuga artista madrildarraren ilustrazioak biltzen ditu. Artistak, bere alter ego modura aurkeztu ditu ilustrazioak. Bere ingurua eta pribatutasuna aztertzen ditu ironia eta sarkasmoaren bitartez. Lan guztiak eskuz egindakoak dira, formatu txikikoak, umorez eta dramaz hornitutakoak. Azaroaren 30era arte ikusgai egongo da erakusketa, Zelaieta zentroan.
Bere lanetan, egunerokotasunari lotutako eszenak agertzen diram lan prekarietatea eta prekarietate sentimentala oinarri dutenak.
Erakusketaz gain, artistak ilustrazioaren inguruko tailer bat ere antolatu du. Zelaieta zentroko erakusketa aretoan bertan izango da, azaroaren 30ean. 6 eta 11 urte bitarteko umeei zuzenduta egongo da.
Erakusketa, azaroaren 30era arte egongo da zabalik.