Emakumeak erasoa salatu du Ertzaintzaren komisaldegian, gaur. Zauri arinak izan ditu eta osasun zentroan artatu dute. Bere burua etxean giltzaperatuta du gizonak.
Zornotzako Udaleko bozeramaileen batzordea bildu da, gaur goizean, urriak 11, herriko emakume batek izandako eraso matxista "irmoki arbuiatzeko". "Emakumeak eta bere familiak behar duten guztian laguntza eskaintzeko prest gaude eta, aldi berean, errespetu osoa agertu nahi diegu", azaldu dute udal ordezkariek.