Konatek CB Gran Canaria taldean eman zituen lehenengo urratsak Espainiako saskibaloian, hamabost urterekin; 2011/2012 denboraldian iritsi zen Urrezko Leb mailara. Urtebete beranduago, AEBetara bidaiatu zuen, NBAn jokatzeko asmoz; maila bat beherago jokatzera iritsi zen, G-Leagueko Texas Legends taldean.
Mikel Garitaonandia Zornotzako entrenatzailea pozik agertu da fitxaketarekin: "Ekarpen handia egingo dio taldeari, presentzia fisiko handia du, erreboterako baliagarria da eta barneko defentsak beldurtuko ditu; berari buruzko erreferentzia itzelak ditugu, eta ziur nago funtsezkoa izango dela guretzako".