Zornotzako Udalak aste honetan hasi ditu Bernagoitia auzoa eta Belatxikieta lotzen dituen herri bidea konpontzeko lanak. 2018ko otsailean izandako euriteen ondorioz lur-jausiak egon ziren eta bidearen 23 metroko tartea egonkortu nahi dute, ohar batean azaldu dutenez.
Lanek hilabete iraungo dute eta Bermeosolo S.A. enpresak egingo ditu. Udalak 74.000 euro inbertituko ditu eta Bizkaiko Foru Aldundiak %90eko diru-laguntza eman du ustekabekoetarako.