Emakume zaintzaileen lan baldintzak hobetzeko eskatuz kontzentrazioa egingo dute Zornotzan

Zornotzako M8 Plataformako ekimen baten irudia.

Uztailaren 12an udaletxeko plazan batzeko deia egin du Zornotzako M8 Plataformak.

“Udalaren ardura da emakume zaintzaileei lan-baldintza duinak bermatzea”, azaldu dute Plataformatik. Horrela udalak azpikontratatutako zaintzaileei “babesa eta elkartasuna” adierazteko kontzentrazioa deitu dute barikuan, 19:00etan, udaletxeko plazan. Kontratazioak egiterakoan klausula sozialak txertatzea ere eskatuko dute elkarretaratzearen bidez.