Francisco Javier Ardines Llanesko (Asturias, Espainia) zinegotziaren hilketa 2018ko abuztuan gertatu zen Belmonte de Prías inguruan. Guardia Zibilak prentsa oharrean azaldu duenez, ikerketa luze baten ostean, lau pertsona identifikatu dituzte hilketarekin lotura izan dezaketelakoan. "Ustezko hiltzaileak, bi espainiar eta bi aljeriar, bizkaian bizi dira". Horietatik hiru beraien etxebizitzetan atxilotu dituzte, gaur goizean. Laugarrena, Suitzan dagoela aurreratu dute polizia iturriek. Estradiziorako eskaera egin dutela gaineratu du Guardia Zibilak.
Zornotzako miaketa
06:00etan burutu dute Zubipunteko etxearen miaketa, Zornotzan. Guardia Zibilak ez du zehaztu miaketa horretan pertsonaren bat atxilotu duen.