Euskal dantzak berriro plazetara ateratzeko asmoz, ekimenak antolatu ditu Udaberrik

Aritz Maldonado 2019ko ots. 1a, 09:00

50. urteurreneko biharamuna pasatuta, euskal dantzak kalera ateratzeko erronka berria ezarri diote Udaberri dantza taldeko kideek euren buruei.

Bilbo eredu hartuta, Zornotzako udaletxeko plazan dantzatzeko deia zabaldu dute. "Bilbon, Santiago plazan biltzen dira dantzazaleak, dantzan jakin zein ez, dantza egiteko. Guk antzerako zerbait egin gura dugu", azaldu dute bertako kideek.

Hileko lehenengo zapatuan biltzen dira abenduaz geroztik. Otsailaren 2an, 13:15ean batuko dira.

Lehenengo, ikasi
Ekimenaren helburua herritarrak dantzan jartzea da, baina dantzan ez dakitenei ere jartzen diete arreta Udaberrikoek. Horrela, lehenengo hogeita hamar minutuetan, ikasteko denbora uzten dute.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!