Bere jatetxeen artean bost Michelin izar batzen dituen Eneko Atxa zornotzarrak Urteko Sukaldariaren saria jaso du Madrid Fusion jaialdian. Bere ibilbideagatik ez ezik, ingurugiroaren alde eta ekoizle artisauekin egiten duen lanagatik saritu dute.
Saria jasotzeaz gainera, The Best Farmers proiektua aurkeztu du, inteligentzia artifizialari lotutako Sherpa enpresaren sortzailea den Xabi Uribe Etxebarriarekin batera martxan jarriko duen plataforma digitala. Mundu mailako sukaldari prestigiotsuen laguntzarekin, ekoizlerik onenen eta arduratsuenen lana balioan jartzea da helburua eta apirilerako webgune bat sortu gura dute.