Euskal kulturan zehar bidaia bat proposatzen du Baserri obrak. Sustraiturik dauden ohiturak berrinterpretatu eta gaur egungo gizartera dakartza Larrua proiektuaren lan berriak. Tradizioaren eta abangoardiaren muga ezabatu, baserriaren sinbologiaz bete eta mundukoa eta mitologikoa denaren arteko paralelismoak uztartzen ditu Baserrik. Jordi Vilaseca da koreografoa, eta Manuel Ballabroga, Helena Wiolhelmsson, Aritz Lopez eta Vilaseca bera dira dantzariak. Ordubeteko iraupena du funtzioak, guztira.
Egoitza Gasteizen du Larrua proiektuak, eta aurkezten duten bigarren lana da Baserri. Sarearen Dantza Zirkuituaren barruan eskainiko dute.