Domekan Zornotzako 65. Nazioarteko Krosa lehiatuko dute Jauregibarriako landetan. 12:30ean emakumeen lasterketa hasiko dute (8,7 kilometro) eta 13:15ean gizonen txanda izango da (10,7 kilometro). Lasterketa absolutuen aurretik, kimu, ume-kategoria, kadete eta juniorren lasterketak izango dira. Baita, 2 kilometroko lasterketa paralinpikoa eta 4,5 kilometroko herri lasterketa ere.
Zornotzako lasterketa atletismoaren arloan erreferente bihurtu da eta aurten Europako Atletismo Federazioak antolatzen duen European Athletics zirkuituko lasterketetako bat izango da. Horrez gain, Espainiako, Euskal Herriko eta Bizkaiko Federazioen egutegietan ere ageri da. Baita, ANOC, Kros antolatzaileen estatu mailako elkartearen egutegian.