Zornotzako Udaleko Gizarte Ekintza Sailak, Nagusi Aretoaren bidez, kantu jarduera bat antolatu du azaroaren 8an,16:30ean, Nagusi Aretoan. Herriko adineko guztiek izango dute joateko aukera.
Kantua bezalako esperientziaren bidez musikaren onura bultzatzea da helburu nagusia, antolatzaileek ohar batean azaldu dutenez. Gainera, kantu ekintza egoitzen eta Zornotzako Eguneko Zentroan bizi diren nagusiekin ere partekatuko da.
Jarduera praktikoa izango da, 60 urtetik gorakoentzat egokitua eta musikan aditua den pertsona batek dinamizatuko du. Astean, ordu betez elkartuko da eta txandakako sekuentzian, Jose Maria Azkuna Egoitzara edo Zornotzako nagusien Eguneko Zentrora joango da taldea.