anboto.org

Emakume batek gizon baten aurkako salaketa jarri duela jakinarazi du Zornotzako Talde Feministak

  Gizartea  Zornotza

Zornotzako emakume horrek “mehatxuz eta irainez” beteriko audioak jaso ditu eta, gero, gizon horrek “emakumearen aurkako irainez osaturiko publikazioak egin ditu sare sozialetan”, Zornotzako Talde Feministak ohar batean azaldu duenez.

Emakume batek gizon baten aurkako salaketa jarri duela jakinarazi du Zornotzako Talde Feministak
Martxoaren 8an talde feministak deituta egindako elkarretaratzeko argazkia. | Ikusi handiago | Argazki originala

Emakumeak “salatu egin du” eta epaileak emakumearekiko “urruntze agindua eta berarekin komunikatzeko debekua” ezarri dizkio gizonari, oharraren arabera. “Bere ondoan izango gara, bai urruntze agindua eta komunikatzeko debekua indarrean dauden bitartean, baita, gerora, adi eta begi zorrotzez jarraituko dugu egoera”, gehitu dute.

Sare sozialen bidez izaten diren emakumeen kontrako erasoak salatu dituzte. “Gure gazteen artean hain naturalizatuta dauden jarrera toxikoak dira. Oraingoan, salaketa dugu baina egunero horrelako jarrerak normaltasun osoz bizitzen ditugu. Arazo bat dugu”, diote.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa