Auto baten aurrealdeak su hartu du Zornotzan eta udaltzaingoak itzali du

Particular San Pedro izeneko kalean gertatu da.

Autoa aparkatu eta handik 10 bat minutura su hartu du Zornotzako Particular San Pedro kalean zegoen auto baten aurrealdeak. 14:40 inguruan gertatu da. Zornotzako udaltzaingoa bertaratu da eta sua itzali du. Ez du suhiltzaileen laguntzarik behar izan. Autoko bateriatik sortu dela sua uste dute udaltzainek.