"Gertaera horiek Ezker Abertzalearen ildotik eta gogoeta politikotik kanpo daude, eta hori EAJk badaki. Horrexegatik, berriro ere Ezker Abertzalea ez interpelatzeko eskatzen diogu", adierazi dute Sortuko kideek.
Bestalde, Sortukoek jeltzaleei eskatu diete gertaera hauek ez erabiltzeko zapatuko manifestazioan parte hartu ez izana justifikatzeko. "EAJk eskubide osoa du ez atxikitzeko edo ez joateko mobilizazio horretara zein beste edozeinetara. Baina ez da bidezkoa, mobilizazioaren egunean bertan izandako gertaera batzuk direla eta, aldez aurretik erabakitako ausentzia justifikatzen saiatzea", bukatu dute.