Bariku gauetik zapatu goizera hainbat batzokitan egindako pintadak salatu ditu EAJk. Jeltzaleek prentsa ohar bidez jakitera eman dutenez, hainbat batzokik "erasoak" jasan zituzten, tartean Zornotzakoak. "EAJren kontrako irain larriak irakurri ditugu, besteak beste alderdi jeltzaleari faxista deitzen diotenak", adierazi dute EAJkoek.
Bestalde, Euzkadi Buru Batzarrak eta Bizkai Buru Batzarrak Ezker Abertzalearen edo ingurukoen aldetik erasoen "inolako erantzunik ez" dutela jaso eta "sabotajearen" egileak publikoki gaitzestea eskatu diete.