Bikarte elkartearen aldeko kontzertu korala

Kontzertua bihar izango da, hilak 13, arratsaldeko 19:00etan Zelaietako frontoiean. Zornotzako elkarte koral guztietako lagunek parte hartuko dute, guztira 200 pertsona baino gehiagok. 

Bikarte elkarteak Errusia eta Bielorrusiako umeak hartzen ditu; baldintza txarretan, edota umezurtztegietan bizi diren umeak izaten dira gehienetan. Sarrera doakoa izango da, eta kontzertura bertaratutakoen artean diru-bilketa egingo da. 

Bestalde, bihar arte ikusgai egongo da Zelaieta Zentroan "Cruce de Caminos" erakusketa. Iñaki Izquierdok Bielorrusian egindako argazkiak biltzen ditu erakusketa honek. Txernobilgo istripuaren eragina eta lurraldeko pobrezia jasotzen dituzte argazkiek.