Bilboko Nafarroa eta Ripa kaleen arteko lotunean gertatu da erasoa. Azaldu dutenez, erasotzaileek lapurreta zuten helburu eta biktimari hainbat kolpe eman dizkiote. Larrialdi zerbitzuak saiatu dira zornotzarra suspertzen, baina ezin izan dute.
Udalaren gaitzespena
Hilketaren aurrean, Andoni Agirrebeitia Zornotzako alkateak bozeramaile batzordea deitu du astearterako, 09:00etan. Hilketa gaitzesteko eta familiari doluminak helarazteko idatzia adosteaz gainera, kontzentrazioara deituko dutela iragarri du gertatutakoa gaitzesteko. Oraindik ez dute kontzentrazioaren eguna eta ordua zehaztu, baina litekeena da astearte arratsaldean izatea.