Gaur, 07:45 inguruan auto biren arteko istripua gertatu da A-8 autopistan, Iurreta eta Zornotza artean eta Bilborako noranzkoan. Autoetako bat irauli egin da. Bi pertsona zauritu eta Galdakaoko ospitalera eraman dituzte.
Hasieran hiru erreietatik bi itxi dituzte eta auto ilara luzeak eragin ditu, Iurretako ordainlekura arte heltzen zirenak. Garabiak autoak erretiratu ditu eta dagoeneko errei denak irekita daudela eta auto ilarak amaitu direla informatu du Ertzaintzak.