anboto.org

Zornotzan aparkalekuak gehitu dituzte Azpiri eraikina bota ondoren

  Gizartea  Zornotza

Ixer aparkalekuaren ondoan zegoen eta Azpiri izenagaz ezagutzen zen eraikina abuztuan eraitsi zuen udalak, eta dagoeneko amaitu dituzte hango oruberako aurreikusita zeuden lanak. Alde batetik, Ixerrerako sarbidea zabaldu dute.

Orain, auto bi elkar gurutzatzeko espazio gehiago dago bidetik aparkalekurako sarreraraino dauden metroetan. Bestetik, eraikina eraitsi duten aldean baterian aparkatzeko hamar bat aparkaleku berri egin dituzte. Libre geratutako gainerako espazioan berdegune bat egin dute, herritarrei zuzenduta.

Eraikinak “oso gaizki” zeudelako hartu zuten eurak eraisteko erabakia, udalak ohar batean jakinarazi zuenez. Bi solairuko eraikinak ziren eta barruan bulego moduan erabilitako hainbat gela zeuden, udalaren esanetan gaur egun ezertarako erabiltzen ez zirenak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa