Zornotzako Lauaxeta Ikastolako Asier Fernándezek estatu mailan antolatutako Ciencia Show monologo zientifikoen lehiaketa irabazi du. Lehiaketa Bigarren Hezkuntzako ikasleei zuzendutako dago eta gazteak zientziara eta teknologiara modu atseginean hurbiltzea du helburu.
Asier Fernandezek, Bilbon, zientziaren dibulgaziorako asteburu honetan ospatuko dan Naukas Kids ekitaldian berriro aurkeztuko du bere monologoa. Euskalduna Jauregian izango da. Naukas zientziaren dibulgaziorako Bilbon urtero egiten den jaialdia da eta gaurkotasunari lotutako hitzaldi laburrek osatzen dute.
Monologo lehiaketaren finalera Lauaxeta ikastolako beste ikasle bi ere heldu ziren: Hector Andrés Fernandez eta Lorea Elorriaga Garamendi.
