anboto.org

AHTaren desjabetzeen aurka mobilizatu dira

  Gizartea  Zornotza

16 lurjabe desjabetze aktak sinatzera deituta daude gaur goizean zehar.

AHTaren desjabetzeen aurka mobilizatu dira
Gaur 10:00etan egin dute kontzentrazioa. | Ikusi handiago | Argazki originala

Zornotzako 16 lurjabek AHTaren inguruko desjabetze aktak sinatzeko hitzordua izan dute gaur goizean zehar udaletxean. Trenak hornidura elektrikoa izan dezan azpiestazio elektriko bat egiteko asmoa dago Luminabaso inguruan eta desjabetzeak lurzoru horren gainekoak ziren. 16 lurjabeen artean, guztira, 43.603 metro karratu desjabetu gura dituzte eta beste 26.402 metro zortasun modura eskuratu.


Sinadurak deituta zeuden une berean Zornotzako EH Bilduk kontzentrazioa egin du udaletxeko atarian. Urko Lopez zinegotziak gogoratu du “betidanik” erakutsi dutela proiektuarekiko “desadostasuna”. “Harrigarria iruditzen zaigu proiektu honekin jarraitzea. Frantziak eta beste autonomia erkidegoak ez daukate bere lehentasunen artean. Beraz, logistikoki ez dago bermatuta ez estatuarekin eta ez Frantziarekin loturarik eta, hala ere, proiktuarekin aurrera egiteko tematuta daude. Ez dauka zentsurik”, adierazi zuen Lopezek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa