Urkulluk Zornotzako osasun zentroa bisitatu du

Jone Guenetxea 2017ko uzt. 27a, 23:43

Zornotzako osasun zentroak  33.000 biztanleri zerbitzua eskaintzen die, eta irailaren 5ean bere lehen urteurrena ospatuko du. Prentsa oharrean azaldu dutenez, urteurrena dela-eta, gaur goizean, Iñigo Urkullu Lehendakaria zentroko profesionalekin batzartu da.

 

Lehendakariaren bisita dela-eta, osasun zentroaren inguruko hainbat datu eman dituzte. Zerbitzua martxan jarri zutenetik lehen mailako arretan, arloka, 90.000 kontsultatik gora artatu dituzte familiako medikuntzan, eta 77.600  kontsulta, berriz, erizaintzan. Horiez gain, ginekologian 2.400 kontsulta inguru izan dira , eta 885 errehabilitazioan.

Bisitaldian, Lehendakariak Osakidetzako lehen mailako arretako taldeek egunero egiten duten lana eskertu du. Horrez gain, langile horiek osasun sistemaren alderik garrantzitsutzat jo ditu.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!