Zortzi kilometroko lasterketa Zubiondo parkean hasiko da. 16 urtetik gorakoak 11:00etan abiatuko dira. Handik beherakoak adinka banatuta eta distantzia desberdinetan arituko dira, 12:00etan hasita. 7 eta 15 urte artekoentzako errelebo proba bat ere prestatu dute.
Lasterketa nagusian aurrez izena emateko azken eguna uztailaren 21a da ondoko webgunean: www.sportmaniacs.com. Plaza mugatuak daude: 200. Gainontzeko mailetan izena emateko, zornotzakokorrikalariak@gmail.com helbidera idatzi daiteke. 50 dortsal gorde dituzte mailako. Proba denetan egunean bertan ere badago apuntatzeko aukera. Partaide denentzat opariak egongo dira.
Proba berezia
12:40an hasiko den lasterketa berezia izango da. Aurreko aldietan legez, sahararren aldekoa izango da eta jatorri horretako hainbat gaztek parte hartuko dute. Baina 800 metroko proba horretarako izen-ematea herritar denei irekita dago eta, besteen antzera, doakoa izango da. Norgroup taldearen laguntzari esker antolatuko dute.