Lightweight Competence Center (LCC) izeneko zentro berria automobilgintzak eskatzen duen material ugaritako fabrikazio-teknologiak garatu eta aplikatzeko abiarazi da. Hau da fabrikatzaileen arintze-politika horren arrazoi nagusia: ibilgailuaren pisua txikiagotzen bada, erregaiaren kontsumoa murriztuko da eta, ondorioz, CO2-aren isuriak gutxituko dira. Kalkulatzen dutenez, arintzearekin loturiko kontsumo-murrizketa %4,5 eta %8,0 artekoa da, pisu-murrizketaren 100 kilogramoko.
Automobilgintzaren zenbatespenen arabera, gaur egun, automobilgintzarako material aurreratuen munduko merkatua 59 bilioi eurokoa da, eta 2016tik 2021era urteko %13ko hazkundea izango du.
Gaurko aurkezpen ekitaldian Unai Rementeria Bizkaiko Ahaldun Nagusia eta AIC-ko presidentea eta Inés Anitua AICko zuzendaria egon dira.