anboto.org

Ametx Zornotza finaletik pauso batera dago Granadari irabazi ostean

  Kirolak  Zornotza

Emozioz betetako partidua luzapenean erabaki da: 81-80 zornotzarren alde.

Ametx Zornotza finaletik pauso batera dago Granadari irabazi ostean
Argazkia: @zornotzast | Ikusi handiago | Argazki originala

Urrezko Ligarako igoera faseko hirugarren partidua jokatu dute gaur arratsaldean Larrean. Bete-beteko partidua izan da. Andaluziarrak puntu biko aldeagaz joan dira atsedenaldira: 32-34. Bigarren zatian ere parekotasuna mantendu da. Ametx Zornotza hiru puntu aurretik zihoan eta partidua amaitzeko segundo eta erdiren faltan Granadak partidua berdindu du hiruko bati esker. Luzapenak erabaki du irabazlea. Zornotza puntu bat behetik zegoela Cadoten puntu biko saskiraketak aurretik jarri ditu zornotzarrak 19 segundoren faltan eta horrela amaitu da partidua. Kanporaketako bigarren partidua irabazi dute. Ametx Zornotzako Cadot eta Salazar jokalariek 28ko balorazioa izan dute. Cadotek 19 puntu sartu eta 12 errebote eskuratu ditu. Salazarrek 9 punturekin, 18 erreboterekin eta 8 asistentziarekin lagundu dio taldeari.

Domekan, 12:30ean, laugarren norgehiagoka jokatuko dute Larrea kiroldegian. Ametx Zornotzak irabazten badu finalera sailkatuko da. Andaluziarrak gailentzen badira Granadan izango dute bosgarren eta azken partidua.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa