1992an sortutako Gozategi taldeak 25 urte egin ditu aurten. Urte hauetan denetan, ezagun egin dituzten Nor-nori-nork eta Emoixtaxux muxutxuek abestiak, besteak beste, zuzenean entzuteko aukera egongo da. La Basu rap-kantari bilbotarrak eta Eskean Kristo arratiarrek osatuko dute musika gaua.
Gazte Eguna txupinazoagaz hasiko dute. 12:05ean umeentzako jolasak prestatuko dituzte Zelaieta Parkean dagoen karpan. Ondoren, 13:00 inguruan, trikitilariek alaitutako poteoa hasiko dute Urgozon. Bazkariaren ostean, trikikantufest jaia egingo dute. 18:05ean, jai egunak aurrera jarraituko du Luis Urrengoetxea kalean, elektrotxarangaren laguntzagaz. Musika kontzertuen aurretik, Bizkargi 1937 Zanpantzarrak taldearen doinuek hartuko dituzte kaleak.
