Maiatzaren 8an eta ekainaren 10ean izango dira antzerki ziklo horren barruko azken bi emanaldiak. Durangaldeko eta Zornotzako antzerkigile gazteak izango dira hitzordu bi horien protagonistak: Zugan Ni ekimenean parte hartzen duten gazteek eskainiko dute, maiatzaren 8an, 17:00etan, antzerki emanaldia, eta Zornotzako antzerki tailerrekoek itxiko dute antzerki amauterraren zikloa, ekainaren 10ean.
Antzerkizaletasuna bultzatzeko helburuagaz antolatu dute, lau emanaldiko ziklo hau, Zornotza Aretoan. Bilboko 7 Grados antzerki taldeak, Trastornos literarios izenburuko obragaz, abiatu zuen, joan zen barikuan, programazio hori.