Topaketari buruzko informazioa zabaltzeko prestatu duten webgunean eman daiteke maiatzaren 21eko ekimenetan parte hartzeko izena. Taldeei zein norbanakoei luzatu diete izena emateko proposamena: "Perkusioa atsegin duen eta mundutxo honetan lehen urratsak egin nahi dituenak ere izango du gurera hurbildu eta gozatzeko aukera", adierazi dute ekimenaren antolatzaileek.
Lasarte-Orian ospatu dituzte topaketen aurreko hiru edizioak, eta, Zaparrada talde zornotzarrak eta Lasarteko Dinbi Banda batukada taldeek dihardute aurtengo Zornotzako hitzordua prestatzen.
Egun osoko egitaraua izango da Euskal Herriko Batukada Topaketari begira antolatuko dutena: tailerrak, kontzertuak, eta bazkaria izango dira, besteak beste.