Autzaganeko tunelek 693 metro eta 695 metro izango dituzte, eta, hurrenez hurren, 62 eta 63 metro falta dira zulatzeko. Horrez gain, akuiferoaren inguruko xehatze eta kontrabobeda sekzioko induskketa-lanak ere falta dira, eta horrez gain, tunelaren erdia estali behar dute eta espaloi eta instalazio guztiak egin behar dira.
Imanol Pradalesek azaldu duenez, obrak amaitu artean bide-segurtasuna hobetzeko jarduerak egingo dituzte, eta horretarako proiektua lizitaziora atera du Bizkaiko Foru Aldundiak. Segurtasuna hobetzeko jardueren artean, Gorozikako bihurguneetako peralteak edo goraguneak alatuko dituzte, eta bihurgune horretako ertzetan dauden eusteko sistemak ere eraberrituko dituzte. Autzaganeko portua saihesten duen errepide tartean errodadura-geruza aldatuko dute, eta gehitu egingo dituzte trafiko seinale bertikalak eta horizontalak.
