Zuri-beltzeko margolanak dira Ana Riañorenak (Bilbo, 1985). Arte garaikidean puri-purian dauden gaiei buruz dihardu Riañok bere lanetan: egiletzari eta orijinaltasunari buruz, esaterako.
Kolore bizi-biziak darabiltza, aldiz, Iker Serranok (Iruñea, 1982). Zaindari bat baso honetarako izenburuko lana bildu du Bosteko erakusketa kolektiborako. Erakusketaren katalogoan esaten denez, "beste mundu batzuk irudikatzen ditu" Serranok bere koadroetan.
Argazkigintzako bere lana erakusten du, bestalde, Roberto Aguirrezabalak (Sestao, 1971) Bosteko bilduman. Entropía serieko hiru argazki ipini ditu erakusketan: XX. mendeko Europako iraultzak inspiratu dituzten oinarri filosofikoen inguruan gogoeta egiten du bere obragaz.
Zornotzan baino lehen, Bizkaiko beste hiru herritan egon da erakusketa ikusgai: Arrigorriagan, Basaurin eta Leioan, hain zuzen ere. Zornotzako erakusketa amaitu ostean, eta abenduaren 30era arte, Getxon egongo da Bosteko bilduma ikusgai.