Atzo ekin zioten Zornotza Aretoko zineklubari. The Trip komedia ingelesagaz eman zioten hasiera, gastronomiaren inguruko hiru film dakartzan Delicatessen zikloari. The Observer aldizkariak eskatuta, herrialdean zehar bidaia egingo du Steve Cooganek antzezturiko protagonistak, jatetxe onenetako jakiak dastatzen. Urtarrileko hiru martitzenetan, 20:00etan izango dira zinezaleen hitzorduak. Urtarrilaren 20an, Comme un chef filma emango dute, hori ere komedia, eta, 27an, The Lunchbox.
Daniel Cohenek zuzenduriko lana da Comme un chef, eta Jean Reno, Michael Youn eta Raphaëlle Agogué aktoreak agertzen dira, besteak beste. Jatetxe handi batean arrakasta izateagaz amets egiten duen Jacky Bo-
nnot sukaldariaren istorioa da filmean kontatzen dena.
Indiako kultura, eta batez ere gastronomia, edertasun handiz islatzen duen The Lunchbox filmagaz itxiko dute gastronomiari buruzko zinema zikloa Zornotza Aretoan.