Orue eskolak eta ITGk belaunaldien arteko asteburua antolatu dute, eta egitarau horren barruan jaso dute barikuko bertso afaria.
Ekainaren 15ean, 20:30ean, Laiene jatetxean batuko dira afaritarako eta Andoni Egaña, Sustrai Colina eta Alaia Martinen bertsoak gozatzeko. Menuaren prezioa 25 eurokoa da, eta 94-6300058 telefonoan edo info@orueeskola.org helbidean eman daiteke izena.
Belaunaldien arteko hartu-emana bultzatzeko helburuz antolatu dute asteburuko egitaraua. Bertso afariaz gainera, aintzinako jolasen saio bat ere antolatu dute ekainaren 16rako. Zelaieta parkean, 11:00etan, egingo dute.