"Egundoko harrera" izan du jaialdiak, Irune Prada zaldibartarraren berbetan. Bera izan da, beste hainbat gazterekin batera, Zaldibarko kuadrillen eguna antolatzen ibili dena. "120 lagun batu ginen bazkaritarako, eta nabarmentzekoa da eguneko gainerako ekintzetan ere jendetza batu zela. Esan dezakegu, beraz, jaialdia arrakastatsua izan zela".
Txupinazoagaz eta zapi banaketagaz hasi zuten eguna, gaztetxean, eta marianitoa hartu zuten gero. Bazkaria Olazarko frontoian egin zuten, eta bingoan aritu ziren otortuda amaiturikoan. Arratsaldean, Sakatu elektrotxarangak girotu zituen herriko kaleak. Egunari dantzan eman zioten amaiera, Emaion taldearen emanaldiagaz eta Enabil musika jartzaileagaz.