Joan zen asteburuan arku-tiroko Espainiako txapelketak lehiatu zituzten Madrilen. Hantxe aritu zen Zaldibar Arku Taldeko Lidia Cañete eta urrezko bi domina eskuratu zituen beteranoen mailan: talde mistoko txapelketa Andoni Larrabeitirekin (Donostiako Diarco kluba) eta banakako txapelketa arku errekurboarekin.
Cañetek aire libreko denboraldi arrakastatsua izan du aurten ere. Bizkaiko eta Euskadiko ligak eta txapelketak irabazi ditu. Hori gutxi balitz, Bizkaiko eta Euskadiko txapelketa bateratuetan brontzezko dominak irabazi ditu.Txapelketa hauetan emakumeak eta gizonak batera aritu dira.
Orain "atseden" hartzeko garaia dela dio eta irailean areto barruko denboraldia hasiko du.
Arko errekurboarekin ere Espainiako txapeldun geratu da beteranoetan.