Udalak jakinarazi duenez, herritarrei etxebizitzaren arazoari aurre egiten eta irtenbideak topatzen laguntzea da arau sortu berriaren helburu nagusia. Baita herriko lokal hutsen kasuan irtenbidea ematen laguntzea ere.
Ordenantzak etxebizitzen beheko solairuetako eta tarteko solairuetako lokalei eragingo die, eta beren-beregi debekatuko du etxebizitzak sotoetan egitea. Era berean, debekatuta egongo da etxebizitzak eraikin nagusiaren eranskintzat hartzen diren zatietan atontzea. "Etxebizitzaren arazoa herritarren kezka iturri nagusienetarikoa dela kontuan hartuta, udalean argi dugu gure esku dauden tresna guztiak baliatu behar ditugula herritarren arazoari aurre egiten laguntzeko", azaldu du Eneritz Azpitarte alkateak.