Urte amaiera eta urte hasiera bikaina Lidia Cañeterentzat

Anboto 2025ko urt. 13a, 15:20
Deskargatu Info Ahotsak :

Zaldibar Arku Taldean  dabilen arkulari durangarrak Bizkaiko eta Euskadiko txapelketak irabazi ditu; baita Euskal Ligako aretoko txapelketa ere. Elisabeth Luengo durangarrak ere marka ederra ezarri du, Arku-tiro txapelketan hirugarren eginda.

Lidia Cañetek ezin izan du urte hobeto hasi. Abenduaren 22an Bizkaiko arku-tiro txapelketa jokatu zen Santurtzin, eta lehenengo lekua lortu zuen bertan, kategoria absolutuan. Handik aste gutxira, zapatuan, urtarrilak 11 lorpen berri bat gehitu du zerrendara: egun hartan Euskadiko txapelketa jokatu zuen Amurrion (Araba), eta han ere lehenengo postua eskuratu zuen zaldibartarrak. Era berean, Aretoko Euskal Ligako txapeldun izan da Cañete. Bestalde Elisabeth Luengo arkulari durangarrak hirugarren lekua lortu zuen Euskadiko Txapelketan.

Honako tiralari hauek osatu dute podiuma:

Bizkaiko arku-tiro txapelketa:

  1. Lidia Cañete (Zaldibar Arku Taldea)
  2. Ivonne Madariaga (Arkulariak taldea)
  3. Aurelia Muffat-Joly (Abanto Gezaleriak)

Euskadiko arku-tiro txapelketa:

  1. Lidia Cañete (Zaldibar Arku Taldea)
  2. Izadi Lopez (Diarco taldea)
  3. Elisabeth Luengo (Arkulariak taldea)

 

Kirola Zaldibar
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!