Zaldibarko Etorkizuneko Olazar Pilota Txapelketako antolatzaileak zuzeneko emankizunekin hasiko dira gaur. Aurrerantzean, youtube-n ez ezik, ANBOTOren webgunean ere jarraitu ahalko dira emankizunak. Aritz Gallastegi kazetaria izango da esataria —ezin duenean Koldo Aldalur etorriko da— eta Enrike Agirrebeitia komentarista.
Joan zen asteko jardunaldian Sarasibarrek 22-19 menderatu zuen Ramirez lau eta erdian eta final laurdenetarako sailkatu zen. Binaka, partidu borrokatu batean, Lizeagak eta Azpirozek 22-21 irabazi zuten Rekalderen eta Balerdiren kontra.