Atzo XVI. Eskualdeko umeen pilota txapelketako finalak jokatu ziren Zaldibarko Olazar pilotalekuan. Umetxoetan Amutxastegi-Maortua bikotea izan zen irabazlea Iturriagaetxebarria-Araukua bikotearen aurka: 18-8. Umeak B kategoriako finala oso lehiatua izan zen: 18-17, Urizar eta Lizardiren alde, Noriega eta Maortuaren kontra. Azkenik, Umeak A mailan Albizu-Padilla bikoteak 18-12 irabazi zion Maortua-Antxia bikoteari.
Nagusien lagunartekoan Bikandi-Atutxa bikoteak irabazi zuen Pascual-Iturberen kontra: 22-15.