"Sanjuangoan kultur etxea egitea egitasmo garrantzitsua da, Zaldibarko herritarrok eskubidea dugulako kulturaz gozatzeko", dio Eneritz Azpitarte alkateak. Liburutegia txiki geratu zaiela azpimarratu du Azpitartek, baita ere. "Kultur etxe berrian liburutegi handiagoa eraikitzea da helburua, eta zenbait gune izango lituzke: ume txikiena, haurrena, nerabeena... gela multifuntzional handi bat eraikitzea aurreikusten dugu, 80 bat pertsonarentzat. Bilera gelak ere izango lituzke".