Gaur, 15.00 inguruan, furgoneta batek istripua izan du AP-8an, Zaldibar parean eta Donostiarako noranzkoan. Pertsona bi zihoazen furgonetaren barruan eta suhiltzaileak bertaratu dira. Ertzaintzako iturriek momentuz ez dute zehaztu zauriturik ospitalera eraman behar izan duten ala ez.
Istripuaren ondorioz auto ilarak izan dira. Orain (15:45) ez dago auto ilararik, baina oraindik trafikoa mantso doa.