Horrez gainera, azaroaren 19an Ander Guillenearen argazki proiekzioa egongo da. Guillenea Gure historiako pasarteak 1990-2018 bildumaren egilea da, eta bertan Euskal Herriko gatazkan oinarritzen diren argazkiak batu ditu. Egileak azalpenak ematen dituen bitartean ikusi ahal izango dira argazkiak. Bestalde, abenduaren 17an, Jon Plazaolak 'Tutum Platz' bakarrizketa egingo du; Plazaola bere hasieretara bueltatuko da lan honetan. Olazarko pilotalekuan izango da.
Bertso eskola, martxan
Bestalde, 2023-2024 ikasturteko bertso eskola martxan da. Ikasturte honetan, martitzenetan izango dira saioak, 16:30etik17:30era bitartean. Saio hauek Zaldibarko eskolan egingo dituzte eta gaztetxoei zuzendurikoak dira. Izena emateko, eguen@zaldibar.eus helbide elektronikora idatzi behar da; 946 827 016 telefonora deituta ere egin daiteke.