Zapatu honetan Zaldibarrek Zaldi Eguna ospatuko du Olazar inguruan, egun osoan zehar zaldia eguneko protagonista nagusitzat hartuta. Zaldiei egindako harrerarekin hasiko da eguna, 09:00etan. Ondoren, 10:00etan, irteera bat egingo dute eguerdira arte. Eguerdira bitartean haurrentzako poniak —12:00etan— eta ferraketa eta zaindarien erakustaldiak —12:30ean— egongo dira. Lehiaketak arratsaldean dira; 16:00etan Ranch Trail Novice izenekoa, eta, 18:00etan, Ranch Trail Opena.
IRAILAK 9, ZAPATUA (OLAZARREN)
- 09:00 Zaldien harrera.
- 09:30 Izen-ematea (5 euro) eta Cafés Baqué-rekin dastaketa.
- 10:00 Martxaren hasiera.
- 11:30 Hamaiketakoa Gazagan.
- 12:00-14:00 Poniak haurrentzat.
- 12:30-15:00 Ferraketa eta zaindarien erakustaldiak.
- 13:00 Martxaren amaiera.
- 14:00 Herri bazkaria (5 euro).
- 16:00 Ranch Trail Novices lehiaketa.
- 18:00 Ranch Trail Opena.
- 20:00 Sari banaketa.