Gaur, maiatzak 23, LAB sindikatuak elkarretaratzea egin du Iruñean, azken egunotan Nafarroan bi langile hil direla eta. LABek elkartasuna eta samina adierazi die senide, lagun eta lankideei.
"Heriotza ez traumatikoak ugaritzen ari dira eta gero eta nabarmenagoa da lanpostu jakin batzuetan laneko arrisku faktoreek istripu hauetan duten eragina. 2022. urtean lan istripuz hildakoen %33a ez traumatikoa izan zen. Horrek arazo kardiobaskularrak barnebiltzen ditu. Hainbat faktore daude istripu hauen atzean, baina arrisku psikosozialak eta estresa dira garrantzitsuenetako batzuk. Horiekiko eskumenak dituen Urkulluren gobernuak entzungorrarena egiten du. Ez Osalanetik ez Lan Ikuskaritzatik ez dira neurri eraginkorrak hartzen langileriarengan gero eta intzidentzia handiagoa duen arrisku honi aurre egiteko", salatu du LABek.