Ekitaldian, hildako langileak gogoratzeaz gainera - hainbat hilabeteetako lanaren ostean, Beltranen gorpuzkiak bilatzeari utzi zioten-, hondamendia eragin zuten arduradunek erantzukizunak hartzea eskatu zuten. "Langileak oroitzeko, gaia ahanzturan ez erortzeko eta erantzukizun guztiak argitzea exijitzeko gaude hemen; gertatu behar ez zen, eta ekidin zitekeen hondamendia izan zela argi geratu da", azaldu zuen Janire Lazkano Zaldibar Argitu plataformako kideak.